ചിഹ്നങ്ങൾ - 2

3. അർഥവിരാമം, രോധിനി Semicolon (;)
രോധിനി ഭാഷയിൽ ഉപയോഗിക്കുന്നത് മഹാവാക്യത്തിലെ ഉപവാക്യങ്ങൾ വേർതിരിക്കാൻ വേണ്ടിയാണ്.
ഉദാ:- അയാൾ ഉറക്കത്തിൽ നിന്ന് ഉണർന്നു; എന്നാൽ ബോധാവസ്ഥയിൽ എത്തിയില്ല.

4. ചോദ്യചിഹ്നം, കാകു Question Mark (?)
രണ്ടു പ്രധാന സന്ദർഭങ്ങളിൽആണ് ചോദ്യചിഹ്നം ഉപയോഗിക്കുന്നത്.
എ) ചോദ്യരൂപ വാക്യങ്ങളുടെ അവസാനം.
ഉദാ:- നിങ്ങൾ അവിടെ പോയിരുന്നോ?
ബി) വാക്കിനും വാക്യത്തിനും ശേഷം വലയത്തിനുള്ളിൽ ചോദ്യചിഹ്നം ഇടാറുണ്ട്. സംശയത്തെ കാണിക്കുന്നതിനാണ് ഇത്.
ഉദാ:- ഭാരതഗാഥ എഴുത്തച്ഛന്റെ (?) കൃതിയാണ്.

5. വിക്ഷേപിണി Exclamation Mark (!)
ആഹ്ലാദം, അത്ഭുതം, വിഷമം തുടങ്ങിയ വികാരങ്ങൾ പ്രകടിപ്പിക്കുന്നതിനാണ് വിക്ഷേപിണി ഉപയോഗിക്കുന്നത്.
ഉദാ:- ഹ, എത്ര സുന്ദരം!