- കൈ കഴുകുക :- ഉപേക്ഷിച്ച് രക്ഷപെടുക
- കോടാലി :- ഉപദ്രവകാരി
- ഗണപതിക്കല്ല്യണം :- നാളെനാളെയെന്ന് നീണ്ടുപോവുക
- ഗ്രന്ഥകീടം :- പുസ്തകപ്പുഴു
- ചക്രം ചവിട്ടുക :- വല്ലാതെ ബുദ്ധിമുട്ടുക
- ജലരേഖ :- വെള്ളത്തിൽ വരച്ച വരപോലെ പാഴിലായത്
- തട്ടിവിടുക :- കൂസലില്ലതെ ഓരോന്ന് പറയുക
- താപ്പാന :- തഴക്കവും പഴക്കവും ഉള്ളയാൾ, പരിച്ചയക്കുടുതൽ കൊണ്ട് ഉപദ്രവക്കാരിയായയാൾ
- തേച്ചു മായ്ച്ചു കളയുക :- തെളിവും മറ്റും നശിപ്പിക്കുക
- തോളിലിരുന്നു ചെവി തിന്നുക :- അടുത്തുക്കുടി ചതിക്കുക
- ദീപാളി കുളിക്കുക :- അനാവശ്യ ചെലവു ചെയ്തു നശിപ്പിക്കൽ
- നട്ടെല്ല് :- പൌരുഷം, ധൈര്യം , തന്റേടം
- നാരദൻ :- ഏഷണിക്കാരൻ
- പകിട :- കൗശല പ്രയോഗം
- പഴയ മണ്ണ്‍ :- യാതൊന്നും ഉണ്ടാവാത്തത്
- പിടലിയൊടിയുക :- വിഷമം നേരിടുക
- പിത്തലാട്ടം :- നാട്യം , ഭാവം
- പുത്തനച്ചി :- ഒരു കാര്യം ചെയ്യാൻ തുടങ്ങുമ്പോഴുള്ള ഉത്സാഹക്കുടുതൽ
- ആചന്ദ്രതാരം :- ചന്ദ്രനും താരങ്ങളുമുള്ള കാലത്തോളം
- ആനച്ചന്തം :- ആകപ്പാടെയുള്ള ഭംഗി
- ആറിയ കഞ്ഞി പഴങ്കഞ്ഞി :- തുടക്കത്തിൽ പറയുമ്പോൾ ഉള്ള ഉത്സാഹം പിന്നെയില്ലാതാവുക
- ഇഞ്ചി കടിക്കുക :- ദേഷ്യപ്പെടുക
- ഉണ്ണാതെ തിന്നാതെ :- ഒന്നും അനുഭവിക്കാതെ
- ഉരുക്കഴിക്കുക :- ആവർത്തിക്കുക
- ഉരുളയ്ക്കുപ്പേരി :- ചുട്ട മറുപടി
- കടലിൽ കായം കലക്കുക :- നിഷ്ഫലമായ പ്രവർത്തി , വലിയ കാര്യത്തിന് ചെറിയ പ്രതിവിധി
- കമ്പോടുകമ്പ് :- ആദ്യാവസാനം
- കരതലാമലകം :- ഉള്ളം കയ്യിലെ നെല്ലിക്ക പോലെ സ്പഷ്ടം
- കരപിടിക്കുക :- രക്ഷപെടുക
- കിണറ്റിലെ തവള :- ലോകവിവരം ഇല്ലാത്തയാൾ
- കീറാമുട്ടി :- മനസ്സിലാക്കാൻ ബുദ്ധിമുട്ട്
- കിളികിളി പോലെ പറയുക :- തടസ്സം കൂടാതെ പറയുക
- കുത്തിപ്പൊക്കുക :- മറന്ന സംഭവം വീണ്ടും ശ്രദ്ധയിൽ കൊണ്ടുവരിക
- കുന്തം വിഴുങ്ങിയ പോലെ :- അമ്പരന്ന് നിൽക്കുക ,ഇതികർത്യവതാമൂഡനായി നിൽക്കുക
ശൈലികള്‍ - 004
![ശൈലികള്‍ - 004]()
Reviewed by Mashhari
on
മേയ് 08, 2013
Rating:
